Geh bơyai lơh tus ngai 23 nhai 12, Dơ̆ tàm pơrlòng tàp pràn să jan càr Gia Lai dơ̆ do gơ hòi gơ jà rlau 3 rơbô 100 nă cau tus bal bơh 69 mpồl tus bơh ală kơnhoàl, ƀòn dờng mờ ală Hìu bơsram pe kấp tàm gùt càr dê. Ală cau tus bal tàm pơrlòng tàm 3 hệ: kấp 1 mờ 4 môn pơrlòng, Kấp bàr mờ 12 môn mờ kấp pe 11 môn. Ală môn tàm pơrlòng, tàm hơ̆ geh: re dà, nhơl bong kƀàng, nhơl bơlai, coh plai, cầu lông, cờ vua, ntoăt, karate, Vovinam, Taekwondo mờ dŭi che.

Đơs tàm dơ̆ sơnđờm mut lơh, Kwang atbồ Sở Giáo zụk mờ Đào tạo, Kwang atbồ mpồl bơyai lơh Dơ̆ tàm pơrlòng tàp pràn să jan càr Gia Lai Lê Duy Định đơs sùm: “Dơ̆ tàm pơr lòng tàp pràn să jan là bơta jơnhoa ngan bơh srơh tàp pràn să jan rơnàng kơnòm să gam bơsram tàm hìu bơsram dê, do là broă lơh bơto bơtê dờng pràn să jan, tơnguh uă bơta pràn să jan, pơgồp bơnah lơh niam nùs nhơm, lơh jat geh cồng nha jơnau kờñ bơto bơtê tơl làm ai kơnòm bơsram in”.