Tàm nùs nhơm  dờng màng jơh nùs ngan, kòn klau Bơtau pơdờn guh lơh Bơtau lơgar Brunei mờ pơ ùr jà Thủ tướng Cíñ phủ ồng Phạm Minh Chính mờ pơ ùr guh tus anih dờng màng, tềng hơđơm bồng bi dà lơgar bơh 2 lơgar dê, Jơnau đơs crih Dà lơgar Việt Nam mờ Brunei neh geh pờ. Tơnơ̆ hơ̆, kòn klau Bơtau lơgar Brunei jà Thủ tướng ồng Phạm Minh Chính sền mpồl ling dờng màng lòt pơdar. Tơnơ̆ dơ̆ wă, Thủ tướng lời tơngai lùp còp mờ tơm bơh bơr mờ kwang bàng, cau lơh broă tàm Đại sứ quán mờ mpồl bơtiàn làng bol Việt Nam kis tàm lơgar Brunei.

Tàm ală broă lơh uă ngan tàm ngai 11/2, Thủ tướng tus còp Hìu bơsram Đại học Dà lơgar Brunei; tìp mat Bơtau mờ pơ ùr cau bơtau bal mờ ală kwang bàng tàm dà lơgar Brunei dê; tìp mat mờ Bơtàu lơgar Brunei, sền ală dơ̆ kĭ hơ sră nggal lơh broă bal; tìp mat cribơyai broă mờ bàr pe mpồl lơh sa kă bro năng lượng lam lài tàm lơgar Brunei... Do là dơ̆ lòt còp sơn rờp bơh Thủ tướng Cíñ phủ ồng Phạm Minh Chính dê tus lơgar Brunei tàm gơnoar broă pa nàng pơn jat tai lam lơh gùng dà broă lơh lơh broă mờ lơgar dùl nùs bal mờ Pơrjum dờng Đảng dơ̆ XIII neh geh ai. Hơ̆ là lài ngan bơtàu tơnguh bơta gĭt gơ̆p lơh broă bal mờ ală lơgar rềp bal mờ Asean. Do kung là dơ̆ lòt còp ngan ngồn sơn rờp bơh kwang đơng lam bồ Cíñ phủ Việt Nam dê tus lơgar Brunei tơnơ̆ mờr 16 nam.