Do là broă lơh geh ngan bơh rơnàng kơnòm să lơgar Việt Nam nàng kờñ tơngŏ kơnòl bơh rơnàng kơnòm să dê gơwèt mờ gơnoar tờm dờng màng bơh Dà lơgar dê. Dơ̆ lam lơh geh tàm tơrbŏ bal mờ 10 anih tàm tơrbŏ bal tàm internet kấp Dà lơgar tàm 10 càr, ƀòn dờng tàm gùt lơgar. Tàm dơ̆ lam lơh dơ̆ hòi jà “Pơnyờ să tơrgùm dùl jơh ù tiah brê bơnơm dà ia Dà lơgar dê”, 1 rơbô 300 nă đoàn viên, ơruh pơnu, kơnòm bơsram bơh ƀòn dờng Đà Nẵng neh bơyai lơh rơndăp săp sèng rùp Sră wăc sềr Dà lơgar Việt Nam.

Dơ̆ hòi jà “Pơnyờ să tơrgùm dùl jơh ù tiah brê bơnơm dà ia Dà lơgar dê” lam lơh nàng kờñ sơlơ tơnguh bơto bơtê nùs nhơm kờñ gơboh Dà lơgar, gĭt wă bè gơnoar tờm Dà lơgar, jơi bơtiàn; mblàng yal, lam đoàn viên, ơruh pơnu, kơnòm pa tàu mờ kơnòm dềt yồng pang sră wăc sềr Dà lơgar Việt Nam tàm tiah bơsram sră, tiah cau lơh broă, mờ tiah lơh broă. Di dơ̆ do, Đoàn Ơruh pơnu Kộng sản Hồ Chí Minh Dà lơgar jàu 20 pang sră khung (dờng kàr sră A1) pà ala mat cau lơh ka, mpồl ling sền gàr tiah nhàr lơgar, ơruh pơnu, kông ñân, cau pơgru mờ kơnòm bơsram in... mờ 50 rơbô nơm pang sră wăc sềr (dờng kàr sră A0) pà ai ală Tỉñ đoàn càr, Thàñ đoàn, mpồl lơh broă tơn mờ pà 5 rơbô pang sră wăc sềr ai Thàñ đoàn Đà Nẵng in.