Geh lơh tàm 3 ngai, tàm dơ̆ pơrjum do, Ủy ƀan Thường vụ Quôk hội rơp sền sơ wì, ai jơnau đơs bè uă tơngume kuơmàng. Bè broă lơh lơh adat boh lam, tàm pơrjum dơ̆ 28, Ủy ƀan Thường vụ Quôk hội ai jơnau đơs bè rơndap lơh Kơrnuat boh lam priă tă lah yă; sền sơ wì, ring bal jơnau rơcang cih Nghị quyết bè broă lơh mblàng lơh loh tàm dơ̆ pơrjum Mpồl duh broă Jơi bơtiàn, Ủy ƀan bơh Quôk hội dê; sền sơ wì jơnau sồr bơ tơl 2, 3 rơndap lơh adat boh lam tàm broă lơh lơh adat boh lam, kơrnuat boh lam nam 2024…

Bè broă lơh jat sền, Ủy ƀan Thường vụ Quôk hội sền sơ wì jơnau yal broă lơh bơta kơp kờñ làng bol bơh Quôk hội dê nhai 10 mờ nhai 11 nam 2023; bal mờ hơ̆, Ủy ƀan Thường vụ Quôk hội sền sơ wì 2 tơngume: broă tam pà, tam gơl broă rơndap lơh bơcri priă bơh kes priă dà lơgar nam 2023 đah ală ƀộ, anih lơh broă dà lơgar mờ kâp hơ đơm dê; broă jàu broă rơndap lơh priă bơcri Broă lơh bơtàu tơnguh wơl mờ bơtàu tơnguh lơh sa- mpồl bơtiàn, tam gơl, bơ tơl broă rơndap lơh bơcri priă dà lơgar di mơ tơngai priă bơcri kes priă dà lơgar tơngai bơh nam 2021 tus nam 2025 bơh ƀộ, anih lơh broă dà lơgar mờ kâp hơ đơm dê.