Duh broă sùm Ƀan Ƀí thư, Kwang atbồ Mpồl rơndăp broă Dà lơgar Trương Thị Mai đơng lam pơrjum tam jào broă lơh mờ ală mpồl đảng, anih lơh broă tàm Dà lơgar
Thứ sáu, 08:38, 05/01/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Drim òr (04/01), tàm Hìu lơh broă Đảng Dà lơgar, đơng lam pơrjum tam jào broă lơh mờ ală mpồl Đảng, 4 cơl dŭ lơh broă, ală đảng ủy, anih lơh broă tàm Dà lơgar, mò Trương Thị Mai, Kwang geh jơng tàm Ƀộ Cíñ trị, Duh broă sùm Ƀan Ƀí thư, Kwang atbồ Mpồl rơndăp broă Đảng Dà lơgar sồr: Lơh ngan lơh gơs niam ală jơnau kờñ, kơnòl broă nam 2024 tàm bơh ngai bồ nhai, bồ quý, bồ nam, pơgồp bal kwơ màng tàm broă lơh gơs ală jơnau kờñ, kơnòl broă Pơrjum dờng dơ̆ 13 Đảng neh ai.
Ală jơnau đơs tàm dơ̆ pơrjum tam jào broă lơh đơs: Nam 2023 bŭ lah gam uă kal ke, bơta lòng, mơya gùt Đảng, gùt làng bol mờ gùt ling klàng sùm tam klăc bal, ring bal, ai tơlik kơrnoăt di pal, bơceh pa, di tŭ nàng lơh ndrờm bal, tơl ală bơta ală jơnau kờñ, kơnòl broă Nghị quyết pơrjum dờng dơ̆ 13 Đảng neh ai; lơh pràn broă bơ̆t bơtàu, lơh niam wơl đảng, rơcang sơndră sa kuề sa koà, ờ niam; lơh pràn broă bơtàu tơnguh lơh sa mpồl bơtiàn. Duh broă sùm Ƀan Ƀí thư Trương Thị Mai sồr, tàm Quý 1 nam 2024 ală mpồl Đảng, 4 cơl dŭ lơh broă, ală đảng ủy, anih lơh broă tàm Dà lơgar lơh jăt rơndăp broă lơh jăt Nghị quyết Dà lơgar 8 khoă 13, Cỉ thị bơh Ƀan Ƀí thư bè broă bơyai lơh Satềp Giáp Thìn nam 2024.
Viết bình luận