Bàr gah tơlik nùs nhơm chờ hờp bè cồng nha niam bơnĕ ngan bơh dơ̆ Pơrjum Kwang bàng kâp dờng đah Tổng Ƀí thư Nguyễn Phú Trọng mờ Tổng Ƀí thư, Củ tịc lơgar Lo Tập Cận Bình dê.

Kwang ătbồ Mpồl Rơndăp broă Dà lơgar mờ Kwang ătbồ Cơldŭ lơh broă Đảng Kộng sản Dà lơgar Lo dùl dơ̆ tai đơs nền ală bơta bơtàu tơnguh kwơmàng, ngan ngồn mờ tơl làm bơh gĭt gơ̆p 2 Đảng, bàr lơgar dê tàm jơh ală gah broă, cribơyai uă bè broă gơlik geh mờ gĭt gơ̆p 2 Đảng, 2 dà lơgar dê; tơrgùm cribơyai bè ală gùng dà broă lơh mờ broă rơndăp lơh tờm nàng lam lơh jăt bơta gĭt wă bal kwang bàng kâp dờng gơ wèt mờ gĭt gơ̆p bàr Đảng, bàr Dà lơgar; bàr gah dùl nùs ring bal tơnguh uă rlau tai cồng nha bơh ală mpồl lơh broă bal gah Đảng dê; pơn jăt tai lơh pràn rlau tai tìp măt lơh kwèng, lơh broă bal tàm ală gah Cíñ phủ, Quốc hội, Mặt trận Dà lơgar; sơlơ lơh broă bal sền gàr dà lơgar, lơngăp lơngai; tơnguh uă cồng nha lơh broă bal ngan ngồn bè lơh sa, kă bro, bơcri priă, tàm tơrbŏ 2 rài lơh sa ngai sơlơ kơ̆ kơl jăp mờ jrô ơnàng...