Hìu bơsram kâp 1 Tô Hiệu, ƀòn dờng Buôn Ma Thuột, càr Dăk Lăk pa geh sră pơyua ờ bài dờp bơkàu bơh mè bèp dê pà di tơngkah 41 nam Ngai cau pơgru Việt Nam. Jat tơngume sră pơyua, pah tŭ tus ngai cau pơgru, hìu bơsram dờp geh uă ngan bơkàu nting bơr gờm chờ bơh mè bèp, kơnòm bơsram. Bulah bè hơ̆, khà bơkàu do hìu bơsram mìng ngui 1, 2 ngai den pal sang tĕ, pơhì pơhà, pơlai ngan.

Pơgru Đoàn Thị Tuyết Yến- atbồ hìu bơsram kâp 1 Tô Hiệu pà git, hìu bơsram tŭ do gam 55 nă oh geh rài kis hìu bơnhă kal ke ngan den tàng ờ hềt geh priă blơi ƀảo hiểm y tế. Bơh sră pơyua, hìu bơsram kơp kờñ ală mpồl lơh sa kă bro, ala mờ pà bơkàu di ngai cau pơgru Việt Nam den hìu bơsram dan tam gơl ai mờ broă lơh pà ƀảo hiểm y tế ai kơnòm bơsram geh rài kis kal ke in. Tơnơ̆ tŭ geh sră pơyua bơh hìu bơsram dê, neh geh 14 nă sau geh dờp dong kờl. Kờp priă tơl sră ƀảo hiểm y tế là 631 rbô 800 đông.