VOV4.K’ho- Dơ̆ pơrlòng jơh bơsram kâp pe mờ pơrlòng cau bơsram dờng mŭt bơsram đại họk mờ bơto bơtê broă lơh nam do geh bơyai lơh tàm 2  ngai là ngai 7 mờ 8/07 tàm jơh ală càr mờ ƀòn dờng tàm jơh gùt lơgar. Tổng Kông ty Ồs đèng tiah tàm gùl lơgar neh rơcăng lài broă lơh pà đèng drơng dơ̆ pơrlòng in, gàr niam ờdo ờdă, geh đèng sùm tàm ală càr mờ ƀòn dờng tiah tàm gùl lơgar mờ Tây Nguyên.

Tổng Kông ty Ồs đèng tiah tàm gùl lơgar sồr Kông ty Ồs đèng ală càr mờ ƀòn dờng rơcăng lài pơgồp bal mờ Mpồl đơng lam, ală Mpồl duh broă pơrlòng kâp pe tàm tiah he dê nàng gĭt nền jơnau kờñ pà đèng, geh broă lơh mờ gàr niam ồs đèng drơng niam dơ̆ pơrlòng in. Geh gĭt, ƀòn lơgar 13 càr mờ ƀòn dờng bơh Tổng Kông ty Ồs đèng tiah tàm gùl lơgar ai ồs đèng geh 422 anih pơrlòng. Ală tiah geh uă anih pơrlòng bè Quảng Nam (55 anih), Bình Định (43 anih) mờ Gia Lai (40 anih). Tŭ do, ală mpồl lơh broă ntrờn làm bă tiah, mpồl ătbồ pờ đèng ngui, mpồl lơh niam wơl gùng che đèng lam lơh broă drơng broă uă tai bơsong jơnau ờ niam digơlan gơlik geh, lơh niam wơl tàm ală ngai geh lơh dơ̆ pơrlòng mờ geh broă drơng lơh broă dipal nàng di tŭ bơsong jơnau digơlan gơlik geh...

Cau mblàng Lơ Mu K’Yến