Jat jơnau yal bơh Kwang àng càr Dăk Lăk dê, bơta lơngap lơngai, rơndap tap sèng tàm jơh gùt càr Dăk Lăk neh gơ rê wơl bè ờs, ală pơrjum mpồl bơtiàn pah ngai ờ geh bơta lơi tam gơl. Rài kis pah ngai rê wơl mờ nùs nhơm bè ờs bè ală ngai lài mờ ngai 11 nhai 6 dê.

Tàm mang ngai 13/06, neh geh dùl nă cau tus bal tàm mpồl lơh roh bơta lơngap lơngai, rơndap tap sèng neh tus jun bồ is. Bè hơ̆, tus tŭ do neh geh 3 nă cau tus bal tàm dơ̆ broă ngui phàu sò tơm tàm Hìu lơh broă Kwang àng 2 xã Ea Tiêu mờ Ea Ktur lòt jun bồ is nàng geh bơta toh glài. Kờp tus ndrim ngai 14/06, mpồl lơh broă geh gơnoar neh kŭp kờp jơh 46 nă cau lơh roh bơta lơngap lơngai, rơndap tap sèng tam Hìu duh broă Ủy ƀan Ñân zân 2 xã Ea Tiêu mờ Ea Ktur. Kwang àng càr Dăk Lăk pơn jat tai hòi jà ală cau “tìs gùng tìs dà- sơbơng roh” lòt jun bồ is nàng geh dờp bơta toh glài.