Ngai 22/11, Cơldŭ lơh broă Kảñ sát Gùng lòt- Kwang àng càr Gia Lai neh pơgồp bal mờ Hìu măi sơdàng An Khê bơyai lơh Pơrjum lam lơh mờ kĭ hơ lơh jat adat boh lam bè lơngap lơngai rơndăp tăp sèng, gàr niam lơngăp lơngai gùng lòt gơwèt mờ Hìu măi sơdàng An Khê, cau dùl nă să kă bro jun pơndiang phan bơna tơngai tơnhào tào nam 2023-2024.

Tàm dơ̆ kĭ hơ, đah Hìu măi sơdàng An Khê, ală mpồl lơh sa kă bro, Hợp ták xã jun pơndiang phan neh kĭ hơ bal jơnau pal jat pơgồp bal lơh jat niam ală jơnau sồr bè jun pơndiang phan gùng rơndeh lòt, ơn prap phan bơna tàm rơndeh mờ bơta kơn jơ̆ phan bơna; rơndeh lòt rê tàm gùng pal gàr niam tơl làm ală bơta jat jơnau sồr dê. Tàm pơrjum, cau măi rơndeh Nguyễn Tấn Chung, ơm tàm xã Nghĩa An, kơnhoàl Kbang đơs là, kàl păt tào do, Hìu măi sơdàng An Khê tam pà sră blơi tào di pal, dong ai broă tơnhào bơh làng bol dê geh gàr niam. Bơh hơ̆, pleh geh bơta uă ir rơndeh, halà ờ tơl rơndeh jun pơndiang, lơh gơlik broă jun pơdiang tàm rơndăp rơndồl, pơdiang uă ir, kơn jơ̆ ir.