Ngai 21/02, Ci kụk Kiểm lâm càr Gia Lai geh sră nggal sồr ală mpồl lơh broă gơwèt Ci kụk mhar pơgồp bal mờ kơnhoàl Kông Chro lùp sền broă òt 125 tờm chi brê tàm bă sồ 7, sồ 10 tiểu khu 792, bơnah brê bơh Kông ty TNHH MTV Lâm nghiệp Kông H’de dê, ù tiah xã Sơ Ró, geh git gŏ tàm ngai 15/02 pa do.

Lài hơ̆, jat tàm jơnau yal bơh cau tờm brê dê là Kông ty TNHH MTV Lâm nghiệp Kông H’de, Hạt Kiểm lâm kơnhoàl Kông Chro pơgồp bal mờ ală gah geh gơ rềng lòt sền tiah gơlik geh bơta mus kơl brê dờng ngan gơwèt bơnah brê bơh Kông ty do atbồ. Cồng nha sền sơwì ai gŏ, geh 125 tờm chi brê gơwèt bơnah brê bơh Kông ty TNHH MTV Lâm nghiệp Kông H’de, geh kăm xe, ƀằng lăng, ntìng ka gơtìp òt pừ jơh. Kờp jơh khà dơm chi wil gơtìp òt kơl là 30.2 khối. Tŭ do, ală gah lơh broă geh gơnoar gam pơn jat tai lơh sir sră nggal broă gơlik geh, jòi cau tờm lơh tìs, lơh glài jat jơnau cih adat boh lam dê.