Gia Lai: Jờng rơ 39 mpồl, cau dùl nă să tàm dơ̆ lam sồr “Cau lơgar Việt Nam ai lài ngui sa phan Việt Nam”
Thứ tư, 10:15, 01/11/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (31/10), tàm ƀòn dờng Pleiku, ủy ƀan Mặt trận Dà lơgar Việt Nam càr Gia Lai bơyai lơh Pơrjum jờng rơ ală mpồl, cau dùl nă să geh pơnrơ jăk tàm broă lơh jăt Dơ̆ lam sồr “Cau lơgar Việt Nam ai lài ngui sa phan Việt Nam” tơngai bơh nam 2019 tus 2023.
Tơngai bơh nam 2019 tus 2023, ală kông ty, mpồl lơh sa kă bro, ală hìu lơh sa kă bro tàm càr Gia Lai neh dờp bal niam Dơ̆ lam sồr “Cau lơgar Việt Nam ai lài ngui sa phan Việt Nam”.
Tus tŭ do jơh ală kơnhoàl, thị xã, ƀòn dờng tàm càr Gai Lai geh 316 bơta phan OCOP geh bơh 3 tus 4 sơrmañ ndrờm geh tơrbŏ bal mờ drà kă bro dờng ơnàng mờ bơta kơl jăp niam… Tàm Pơrjum, 39 mpồl, cau dùl nă să geh pơnrơ jăk geh cồng nha jăk tàm broă lơh sa kă bro neh geh UɃÑZ càr Gia Lai, Ủy ƀan Mặt trận Dà lơgar Việt Nam càr Gia Lai jào pà sră jờng rơ tàm broă lơh jăt niam dơ̆ lam sồr “Cau lơgar Việt Nam ai lài ngui sa phan Việt Nam” tơngai bơh nam 2019 tus 2023.
Viết bình luận