Tàm hơ̆ geh ală kơnòl broă- broă lơh lơh pràn ai priă bơcri dà lơgar dê. Jăt jơnau yal tàm pơrjum, khà bơtàu tơnguh lơh sa bơh càr Gia Lai dê 6 nhai do geh 5,54% pơndrờm bal dùl tŭ mờ nam lài. Ală broă jàu bè kờp jơh lùp dồs kes priă, lơh gơlik phan lơh sa mờ măy mok gơguh uă; khà mpồl lơh sa kă bro lơh sră cih mat dan lơh broă wơl mờ khà rơndăp broă lơh bơcri priă gơguh; broă lơh lòt nhơl geh bơta tam gơl niam.

Bulah bè hơ̆, uă tiah tàm càr Gia Lai kung tìp kal ke sơl tàm broă lùp dồs priă ngui ù gơlam tus ờ tơl priă tă ai ală rơndăp broă lơh bơcri priă in; lơyai ai lơh jăt broă rơndăp lơh ngui ù; tơngai lam lơh ală broă lơh jơnau kờñ dà lơgar lơyài. Mìng is gah broă bơcri priă dà lơgar, tus jơh nhai 06 pa do, càr rơ̆p ai ờ hềt geh 14%. Do kung là gah broă mờ Ủy ƀan Ñân zâñ càr Gia Lai mờ ală sở gah lơh broă bơh càr dê tơrgùm ai lài bơsong tàm tơngai tus. Ủy ƀan Ñân zân càr Gia Lai kung neh lơh 3 mpồl lơh broă nàng sơlơ lòt sền, sồr ngan mờ bơsong tơn ală broă gơlik geh.