Jat jơnau đơs tàm pơrjum, nam 2023 geh uă kal ke, mơya càr neh lơh ngan lam lơh ală kơnòl lơh sa- mpồl bơtiàn. Jat hơ̆, kờp jơh priă bơcri gùt mpồl bơtiàn kờp dŭ geh 42 rbô tơmàn đông, lơh geh broă jàu mờ gơguh 9,28% pơn drờm dùl tŭ bal mờ nam lài. Ală broă jàu bè priă lơh geh bơh lơh sa gah suơn sre- brê bơnơm – phan tàm dà; lơh sa mờ măi mok – bơt bơtàu; kờp jơh khà priă tac rah rài phan bơna mờ uă broă jàu ndai ndrờm lơh gơtùi mờ sơrlèt rlau broă rơndap lơh ai tơlik. Bulah bè hơ̆, kung gam 7 broă jàu tờm mờ 2 broă jàu dềt ờ lơh gơtùi jat broă rơndap lơh. Pơrjum neh lời uă tŭ jơ nàng sền sơ wì, mblàng lơh loh ală jơnau bơh tài gơbàn mờ ală broă lơh bơsong kal ke nàng lơh gơs ală kơnòl broă nam tus dê.