VOV4.K’ho - Ngai òr (04/07), Mpồl đơng lam Đảng ƀộ càr Gia Lai khoă 16 tơngai lơh broă bơh nam 2020 tus 2025 neh bơyai lơh pơrjum dơ̆ 8 pờ ơnàng.

Tiah tam tòm chi lơh sơnơm tàm kơnhoàl Chư Sê, càr Gia Lai ai geh broă lơh uă cau lơh broă tiah tàm do in

Pơrjum neh ai tơngai sền wơl mờ ai pơgồp jơnau đơs gơwèt mờ 2 rơndăp broă jơnau yal bè tơmù mhar mờ kơl jăp khà hìu rơƀah tàm làng bol kòn cau tơngai bơh nam 2017 tus 2020 mờ wèt tus nam 2025; Jơnau yal tơn jơh ing 3 nam lơh jăt Nghị quyết bè broă prăp gàr mờ tơnguh bơtàu tờm chi lơh sơnơm tàm càr Gia Lai tus nam 2025, gùng dà tus nam 2030. Bơh 5 nam lơh jăt Nghị quyết sồ 05 bơh dà lơgar, broă tơmù rơƀah bal mờ tơmù rơƀah tàm làng bol kòn cau neh geh kấp ủy, gơnoar atbồ ală kấp tàm càr Gia Lai sền là kơnòl tờm lài ngan tàm broă lơh jŏ jòng tơnguh bơtàu lơh sa mpồl bơtiàn càr dê. Khà hìu rơƀah gùt càr gơmù 12,59%, khà hìu rơƀah tàm tiah làng bol kòn cau gơmù 26,31%, sơrlèt mờ khà Nghị quyết neh geh ai. Bè Nghị quyết prăp gàr mờ tơnguh tờm chi lơh sơnơm tàm càr Gia Lai tus nam 2025, gùng dà broă lơh tus nam 2030, càr kung neh lơh geh uă broă kwơ màng.

Tàm hơ̆, geh uă tiah tàm càr neh rơhời lơh gơs ờ uă tiah tam tờm chi lơh sơnơm tơrgùm bal, cèng geh cồng nha lơh sa uă. Geh ờ uă broă lơh lài ngan neh ai gŏ geh cồng nha mờ pờ geh dùl gùng dà broă lơh pa, pơgồp bal tàm broă tơn jơh jơgloh tơmù rơƀah, tơnguh bơtàu lơh sa, ring niam rài kis ai làng bol in. Jăt mờ hơ̆, tus nam 2030, càr Gia Lai lơh ngan tơnguh bơtàu bă ù tam chi lơh sơnơm tàm càr dê geh di pơgăp 20 rơbô lồ.

Cau mblàng Ndong Brawl