Jăt Ủy ƀan Ñân zân càr Gia Lai dê yal, tàm nam 2022, kờp jơh phan lơh geh bơh càr dê lơh geh khà gơguh 9,27% pơndrờm mờ nam 2021; kờp bal priă lơh geh dùl nă cau geh 60 tơlak 450 rbô đong. Kwang đơng lam bồ Ủy ƀan Ñân zân càr Gia Lai đơs là, lơh geh ală cồng nha do, geh bơta tam klăc bal, dùl nùs bal bơh jơh ală anih lơh broă cíñ trị mờ jơh tơl nă làng bol dê. Tàm hơ̆, geh bơta tă pơgồp ờ dùl êt bơh mpồl cau geh bồ tơngoh ngăc ngar, cau cih jơnau, cau đơs crih tam ya mờ cau lơh ƀăo tàm càr dê. Cau geh bồ tơngoh ngăc ngar, cau cih jơnau, cau đơs crih tam ya mờ cau lơh ƀăo kung jơh nùs yal tơngĭt ală bơta pràn bơta jak mờ ală kơrnoăt dong kờl ai pà bơcri priă pơgồp bơnah gơhòi gơ jà bơcri priă tàm càr Gia Lai; pơn jờng ală krơh pơnrơ cau niam broă niam.