Tŭ do, tàm càr Gia Lai geh 1049 hìu bơsram. Lơh jăt Kơrnoăt 29, càr neh tơrmù 83 hìu bơsram pơndrờm mờ 10 nam lài, 80% kwang bàng ătbồ, pơgru geh lơh tơl jơnau sồr mờ rlau mờ tơl jơnau sồr.

Bal mờ hơ̆, broă bơto mờ bơsram; broă pơrlòng, sền swì mờ đơs cồng nha bơto bơtê geh tam gơl pa; broă lơh kơlôi sơnơng jak chài, hòi jà kơnòm bơsram, cau bơsram dờng bal mờ jơnau kơlôi sơnđờm mŭt lơh broă geh sền dờng màng rlau.

99,6% khà kơnòm bơsram jơi bơtiàn dùl êt nă cau jơh bơsram sră kâp dùl; ai dà kòn cau Jrai mờ Bahnar bơto tàm hìu bơsram. Bulah bè hơ̆, mờ bơta is rơmis mùl gŏ bơh càr tiah kơh bơnơm dê, 46% khà kờp làng bol là làng bol jơi bơtiàn dùl êt nă cau; làng bol ơm kis rah rài tàm ală tiah sar lơgar ngài...lơh broă lơh jăt Kơrnoăt 29 tìp uă kal ke, ờ hềt dipal.

Broă bơto bơtê pe kâp geh sơnđờm lơh jăt bơh nam bơsram 2020- 2021 ờ hềt lơh di tơngai sồr; càr gam ờ tơl rlau 4 rbô 500 nă cau pơgru, cau lơh broă. Broă tơmŭt bal hìu bơsram ơdŭ bơsram kal ke gơtùi lơh jơh; broă lơh bơto broă lơh ờ hềt lơh jăt di jơnau sồr mŭt gơrờm bal mờ dunia.