Phó Thủ tướng ồng Trần Hồng Hà sồr Hà Nội mhar lam lơh kơnòl broă broă tam gơl Rơndap ù tiah bal Càr lơgar. Tàm hơ̆ Rơndap ù tiah pal sền gròi uă tus ù tiah tàm ù mờ phan bơna tàm ù. Jơnau kờñ bơh Rơndap ù tiah dê là bơtàu tơnguh Hà Nội gơ gơs tiah drà tam gơl pa, ngac ngar, tề lam mờ lơh gơlik bơta gơ rề uă, tơrbŏ bal tiah drà, gơ gơs là tiah tờm, bơta gơn kơnờm chồl pràn bơtàu tơnguh tiah ring dà dờng Hồng, tiah lơh sa kuơ màng bơh tiah đah tô dà lơgar mờ gùt lơgar dê.

Hà Nội rơp sơlơ chồl pràn bơtàu tơnguh ală tiah drà vệ tiñ, ƀòn dờng gơ wèt; atbồ nền nòn lơh hìu jơnhua cờn tàm tiah tờm; lam lơh ring bal ală broă lơh lơh niam wơl, bơt bơtàu wơl tiah drà; bơtàu tơnguh ù tiah tàm ù tiah drà; bơt bơtàu tiah ƀòn lơgar ring niam mờ tiah drà, sền gàr bơta niam chài bơh yau, sền gàr tiah ơm kis, lơh gơlik bơta kơ̆ kơljap.