Pơrjum gơ hòi gơ jà rlau 100 mpồl lơh sa kă bro tus bal. Tàm do, bơh dơ̆ tìp mat mờ cau lơh broă bal tơn, jòi gĭt jơnau yal, cribơyai ală bơta kờñ pal geh mờ tơl bè jơnau kờñ mờ bơta pràn tăc phan mờ lơgar ndai, 18 mpồl lơh sa kă bro lơgar Hàn Quốc neh kĭ 42 sră cih kah lơh broă bal tăc mờ blơi phan bơna mờ ală mpồl lơh sa kă bro tiah Tây Nguyên dê. Tàm hơ̆, uă ngan là ală phan bơna pơn rơ ngan bơh kơnhoàl ù tiah dê, bè: kơphê, gar mắc ca, plai chi, biăp bùm kơnuh plai đo ală bơta... Tơnơ̆ tŭ kĭ hơ sră cih kah, 2 gah rơ̆p pơn jat tai cribơyai, jơnau ring bal nền cê nàng kờñ lơh tus kĭ hơ sră pơrgon tăc mờ blơi phan bơna.

Ồng Trần Hải Linh, Kwang bàng Anih duh broă Mặt trận Dà lơgar Việt Nam, Củ tịc Mpồl cau lơh sa kă bro mờ bơcri priă lơgar Việt Nam mờ Hàn Quốc pà gĭt, mpồl sùm lòt bal mờ ală mpồl lơh sa kă bro nàng dong kờl broă hòi jà kă bro mờ lơh broă bal Việt Nam mờ Hàn Quốc ngai sơlơ mut lơh jrô ơnàng làm uă mờ geh cồng nha.