Tàm dơ̆ pơrjum, kwang đơng lam bồ ală sở, gah lơh broă neh cribơyai, mblàng hơ lơh loh, iăt kơno bàr pe tơngume gơrềng tus ală broă lơh gơtùi lơh geh broă jàu gơguh lơh sa geh bơh 6 tus 6,8%, lùp dồs priă dia lơh geh 8 rbô 500 tơmàn đong tàm nam 2024. Ală broă lơh nàng bơtàu tơnguh mpồl lơh sa kă bro, lơh geh tiah ƀươn nàng dong kờl broă lơh sa, kă bro, gơhòi gơ jà bơcri priă nàng kờñ lơh geh broă lơh broă sa, gơhòi jà mpồl cau lơh broă jak, broă lơh nàng lơh geh jơnau kờñ bơ̆t bơtàu ƀòn lơgar pa nam 2024, broă lơh nàng ătbồ, sền gàr brê mờ tơnguh uă khà chi che geh tàm brê tàm tơngai tus.

Tàm dơ̆ pơrjum do, Hội đồng Ñân zân càr Dăk Lăk neh dùl nùs ring bal 36 kơrnoăt mờ lơh nền uă broă kwơmàng ndai tàm dơ̆ pơrjum, lơh geh cơng tàng adat boh lam, bơta gơn kơnờm nàng bơtàu tơnguh lơh sa- mpồl bơtiàn tàm nam 2024 mờ tơngai bơh nam 2021- 2025.