Jat hơ̆, mpồl kwang bàng bơh Đoàn dà lơgar dê neh tus hìu sơnơm dờng tiah Tây Nguyên nàng lùp còp pràn kơldang să jan mờ jàu pà khà jờng “Cau kơnòm să khin cha jak chài” ai 2 nă kwang bàng, cau ling kwang àng gam sơm sồt să geh: Thượng úy Đàm Đình Bốp mờ Đại úy Lê Kiên Cường, lơh broă tàm Kwang àng xã Ea Ktur, kơnhoàl Cư Kuiñ.

Bal mờ hơ̆, Mpồl kung neh lòt còp, pơn dờm pơnđiang hìu bơnhă mờ jàu pà cau sang rài in khà jờng “Cau kơnòm să khin cha jak chài” ai 3 nă cau ndai in, geh: Đại úy Nguyễn Đăng Nhân, lơh broă tàm Kwang àng xã Ea Ktur, Thiếu tá Trần Quốc Thắng mờ Đại uý Hà Tuấn Anh, lơh broă tàm Kwang àng xã Ea Tiêu. Do là ală kwang bàng, cau ling kwang àng neh gơtìp sồt să mờ chơt phi să tàm tŭ lơh kơnòl broă sền gàr lơngăp lơngai, ring lơngai tàm kơnhoàl Cư Kuiñ, càr Dăk Lăk tàm ngai 11/6 pa do.