Jăt mờ hơ̆, rlau 2 rbô 860 lồ ù tàm tiah lơh rơndăp broă lơh do ờ hềt geh Ủy ƀan Ñân zân càr Dăk Lăk dê ai gơnoar cau tờm bơcri priă in tam gơl jơnau kờñ ngui ù bơh ù lơh broă sa sươn sre tus ù ờ lơh broă sa sươn sre nàng bơ̆t bơtàu rơndăp broă lơh. Bơta do là ờ hềt dipal mờ Adat Ù tiah. Kờp jơh bă brê kờñ pal tam gơl jơnau kờñ ngui là 432 lồ mơya tŭ do kung gam sơl 383 lồ ờ hềt geh kâp geh gơnăp gơnoar ai gơnoar tam gơl là ờ hềt dipal mờ Adat Sền gàr mờ bơtàu tơnguh brê, Adat gah broă brê bơnơm. Kiểm toán dà lơgar kung yal uă tìs tàm broă lơh tơm wơl, dong kờl, ntrờn ơm kis pa tàm rơndăp broă lơh. Bơh hơ̆, Kiểm toán dà lơgar tiah XII sồr lơh glài bè priă kờp jơh priă mờr 36 tơmàn đong. Tàm hơ̆, ai wơl mờ jàu kes priă dà lơgar in mờr 52 tơlak đong; gơmù tơm rlau 17 tơmàn đong; gơmù priă sră pơrgon lơh broă gam wơl rlau 18 tơmàn đong.