Khà tơrgùm kờp bơh Tỉñ đoàn càr Kon Tum dê ai gŏ, tàm ngai pơrlòng sơn rờp, ală mpồl lơh broă dong kờl is dong kờl nhai pơrlòng tàm 12 anih pơrlòng jơh bơsram kâp 3 bơh càr dê neh dong kờl cau pơrlòng rlau 1 rbô 500 dơ̆ rơndeh pơndiang ờ sa priă; pà 7 rbô khàr dà, rlau 300 hộp dà toh, ƀañ lơngồt; git nđờ rhiang gai cih, phan jùt… ai cau pơrlòng in. Bal mờ hơ̆, ală mpồl lơh broă dong kờl is tàm ală anih pơrlòng tàm càr kung neh di tŭ dong kờl cau pơrlòng bơsong 2, 3 broă gơlik geh bè bic huĭ, huĭ sră pơ àr pơrlòng tàm hìu.

Bal mờ broă lơh dong kờl is geh cồng nha cau pơrlòng jơh bơsram kâp 3 tàm ală anih pơrlòng, git nđờ rhiang nă cau pơrlòng tàm càr Kon Tum kung geh gơnoar atbồ, mpồl ơruh pơnu mờ hìu bơsram dong kờl anih ơm, sàu sa ờ sa priă tàm ală ngai geh lơh pơrlòng.