Tàm mang Noel ală Hìu yàng tàm càr Kon Tum, tàm hơ̆ uă ngan là ală hìu yàng dờng bè: Hìu yàng Mpàn, Hìu yàng Tân Hương… ndrờm geh bơka ồs đèng àng gơcrà ngan. Bơh gờñ ngan neh geh gal cau jăt yàng tus hờ hìu yàng nàng tus bal Chờ gờm mang Noel.

Tus bal tàm bơta chờ tơrgùm bal, geh uă làng bol ờ jăt yàng kung tus bal sơl tàm hìu yàng nàng chờ nhơl, wă rò nam pa mờ sền bơta chờ niam bơnĕ, lơngăp lơngai. Bèp yàng Trần Tấn Việt, Atbồ Hìu yàng Cíñ toà càr Kon Tum pà git, lơh jăt broă lơh bơh Gah jăt yàng Bàp Việt Nam geh ai nam 2024 là “Lơh pràn broă tus bal rài kis Gah jăt yàng”, Hìu yàng Cíñ toà neh geh ală rơndăp broă lơh mùl màl nàng tus bal ală broă lơh bơh hìu yàng dê kung bè pơgồp bal tàm broă bơ̆t bơtàu ƀòn lơgar.