Jat hơ̆, mpồl lơh broă neh lơh sir broă lơh niam wơl tiah tơrlah tàm bơnah đah hơđang mờ jơng bơtơ̆t dê mờ bơta jòng pơgap 60 thơk. Kờp jơh priă tă nàng lơh niam wơl, bơsong wơl tiah tơrlah tàm gơl bơtơt do dê là mờr 1 tơmàn đong.

Mơya, broă lơh bơtơ̆t kơryan tơrlah kềng gah dà dờng Pô Kô geh lam lơh pơgap mờ do 14 nam, geh bơta jòng mờr 2 kơi sồ, kờp jơh priă bơcri rlau 93 tơmàn đông priă bơh kes priă dà lơgar dê. Mìng is gơl lơh bơtơ̆t kơryan kềng dà dờng tiah đah mat tơngai lik dê geh gơl tơrlah kờp dŭ lài priă jền rlau 37 tơmàn 700 tơlak đong. Nam 2013 broă lơh pal ơm ing lơh broă mờ broă bơ̆t, crăp lơh neh lơh jat rlau 25 tơmàn đong. Tus nam 2019, broă lơh hơ̆ sồng geh Ủy ƀan Ñân zân càr Kon Tum pơn jat tai ai 12 tơmàn đong nàng bơcri priă lơh ală broă lơh kwơ màng gam wơl. Lồi nam 2021 broă lơh neh lơh sir broă bơt mờ crăp ală bơta kwơ màng, mơya tus tŭ do kung gam ờ hềt sền gĭt geh mpồl lơh broă atbồ lơi nàng tàm jàu broă ai mut ngui den neh gơlik geh tơrlah tài bơh mìu càl rơbŭt dờng dà kŏ dà cò den mpồl lơh broă pal lơh niam wơl.