Tơnơ̆ 14 nam lam lơh, tài uă jơnau broă lơh bơtơt rơcang sơndră tơrlah gah dà dờng Pô Kô, gơl bơtơt kìng tiah đah mat tơngai lik, gơl lòt gan thị trấn Đăk Glei, kơnhoàl Đăk Glei, càr Kon Tum jòng mờr 2 kơi sồ tus tŭ do kung gam ờ hềt lơh gơs mờ uă bơta ờ niam pal mhar geh bơsong lài mờ tŭ kàl mìu nhàc dà kŏ dà cò tus. Broă lơh bơtơt rơcang sơndră tơrlah gah dà dờng Pô Kô, gơl lòt gan thị trấn Đăk Glei, kơnhoàl Đăk Glei, càr Kon Tum jòng mờr 2 kơi sồ, kờp jơh priă tă lơh rlau 93 tơmàn đông.

Tơnơ̆ 5 nam lam lơh, tus nam 2013 broă lơh pal ơm ing lam lơh mờ kờp jơh broă crap lơh neh lơh rlau 25 tơmàn đông. Tus nam 2019 broă lơh hơ̆ sồng geh Ủy ƀan Ñân zân càr Kon Tum pơn jat tai ai priă bơcri nàng lơh ală bơnah broă kuơmàng gam wơl mờ khà priă kờp dŭ mờr 12 tơmàn đông. Ngai 16/12/2021 broă lơh bơtơt rơcang sơndră tơrlah gah dà dờng Pô Kô, gơl lòt gan thị trấn Đăk Glei, kơnhoàl Đăk Glei neh lơh gơs broă crăp ală bơnah broă kuơmàng, mơya tus tŭ do broă lơh kung ờ hềt gơtùi jàu ai ngui mờ neh gơbàn ờ diơng.