Bơta cau lơh broă atbồ sền gàr brê ờ kờñ mờ broă lơh, dan ơm lơh broă geh Ci Kụk Kiểm lâm càr Kon Tum đơs là tài bơh tiah lơh broă kơn jơ̆ kơn jŭt, kơn jơ̆ bè kơnòl broă mờ priă dong kờl ờ hềt di pal.

Tềng đap bơta cau lơh broă sền gàr atbồ brê ờ kờñ mờ broă lơh, dan ơm lơh broă, geh gĭt Ủy ƀan Ñân zân càr Kon Tum neh geh sră nggal dan mờ Cíñ phủ geh broă dong kờl krơi is ai mpồl lơh broă sền gàr brê đơs is mờ mpồl sền gàr brê ờs lơh kơnòl broă dê đơs bal. Bal mờ hơ̆ Ủy ƀan Ñân zân càr Kon Tum kung neh sồr ală mpồl lơh broă cau tờm brê geh broă rơndăp lơh ai ơpah brê mờ ù brê nàng cau lơh broă in dờp ơpah atbồ sền gàr brê, mơkung bơtàu tơnguh lơh sa, lơh geh priă jền uă nàng đềt mềr mờ brê, iang nùs lơh broă.