Mùl màl, Anih duh broă làng bol kơnhoàl Kon Plông, càr Kon Tum geh sră nggal sồr kwang geh jơng tàm Mpồl đơng lam rơcang lài pleh mờ trồ tiah lơh aniai, jòi dong kờl rềs àr mờ rơcang gàr làng bol kơnhoàl jat broă jàu bơh ù tiah mờ drơng broă, mhar tus tàm ƀòn lơgar git broă gơlik geh, sền sơwì hoàc huơr hìu dam, phan bơna, anih lơh broă bơh ală anih, mpồl lơh broă dê nàng geh broă rơndap lơh bơsong di tŭ hoàc huơr tài tơrluh ù lơh gơbàn; pơgồp bal mờ Anih duh broă làng bol ală xã, thị trấn lam lơh ală broă lơh rơcang lài pleh mờ tơrlùh ù; git bồ tơngoh, pơn dờm pơnđiang làng bol iang nùs pơn jat tai lơh broă, lơh sa mờ gàr kơ̆ rài kis. 

Ală anih lơh broă, mpồl lơh broă gơwèt Anih duh broă làng bol kơnhoàl mờ Anih duh broă làng bol ală xã, thị trấn Măng Đen geh kơnòl tơrgùm jơh, yal mhar hoàc huơr, pơyua rê hờ Cơldŭ lơh broă sa mờ Bơtàu tơnguh ƀòn lơgar; pơn jat tai kờp sền, sền sơ wì nền nòn hoàc huơr bè phan bơna mờ dan dong kờl bè priă jền bơsong jơnau gơ lời wơl pơyua rê hờ Anih duh broă làng bol kơnhoàl nàng sền sơ wì dong kờl priă bơsong.