Tus bal lơh drà do geh 50 cơldŭ ràng tăc phan bơh ală xã, mpồl lơh sa kă bro, hợp tak xã, mpồl lơh broă bal...tam tờm chi lơh sơnơm tàm tiah do dê. Ală gah phan geh ràng tăc tàm dơ̆ bơyai lơh drà là kơnuh sơnơm Ngọc Linh, phan lơh sơnơm, phan lơh geh bơh sươn sre, phan bơkah pơnrơ is kơnhoàl ù tiah ƀòn lơgar dê, phan bơna lơh gơlik bơh kơnuh sơnơm Ngọc Linh...Dơ̆ bơyai lơh Drà kơnuh sơnơm Ngọc Linh geh lơh tàm 04 ngai, bơh ngai 06 tus ngai 09/02, mờ uă broă, bè: Dong kờl bơta kơ̆p kờñ ai ơruh pơnu kơnòm pa tàu mờ kơnòm dềt Tu Mơ Rông in; Cribơyai lơh bal bơtàu tơnguh nhơl chờ kơnhoàl Tu Mơ Rông nam 2023; Dơ̆ pơrlòng kơnuh sơnơm Ngọc Linh dơ̆ 1; Dơ̆ lơh chờ Khiñ khí kầu “Par tus Brê bơnơm dờng”.