Tàm dơ̆ tìp mat, rlau 120 nă cau tàm Mpồl cau lơh ƀău càr Kon Tum mờ ală kwang bàng neh kah wơl bơhiàn pơn rơ ngan 98 nam sră ƀău kac màng Việt Nam geh crơng gơs mờ bơtàu tơnguh. Đơs tàm dơ̆ tìp mat, ồng Nguyễn Văn Hòa, Phó Ƀí thư Tỉñ ủy càr Kon Tum đơs nền gơnoar broă kuơmàng bơh sră ƀău dê tàm broă ai tơlik lài gùng dà yal tơnggit jơnau, lơh gơlik bơta ring bal tàm mpồl bơtiàn, lơh kơ̆ kơljap bơta pin dờn bơh ală rơnàng làng bol dê tàm bơta đơng lam bồ bơh Đảng dê, bơta atbồ, đơng lam bơh dà lơgar dê pơgồp bơnah lam lơh geh cồng nha jơnau kờñ, kơnòl broă bơtàu tơnguh lơh sa- mpồl bơtiàn bơh càr dê.

Khà jờng sră ƀău càr Kon Tum dơ̆ XI neh dờp geh 60 jơnau sră ƀău tus bal pơrlòng. Mpồl duh broă ai điểm dut ndơl neh đùh sră ai điểm rơ wah 27 jơnau sră ƀău jak ngan nàng jàu khà jờng. Di dơ̆ do, Mpồl cau lơh ƀău càr Kon Tum kung neh jàu pà Gai lòng kir sơnrai tài Broă lơh sră ƀău Việt Nam bơh Mpồl Cau lơh ƀău Việt Nam dê ai 2 nă cau tàm mpồl in.