Đơs bè broă lơh jăt kơnòl broă lơh sa mpồl bơtiàn bơh Tỉñ ủy càr Kon Tum pà gŏ nam 2023 uă broă jàu kwơ màng ờ lơh geh jăt broă rơndăp lơh dê sồr. Mùl màl khà gơguh lơh sa geh sồr là rơlao 10%, mơya mìng lơh geh di pơgăp 7,32%; tă dia Dà lơgar geh sồr tă geh 4 rơbô 500 tơmàn đong mơya kờp dŭ mìng lơh geh 4 rơbô 200 tơmàn đong; bơcri priă dà lơgar mìng geh mờr 44% pơn drờm mờ priă ngan ngồn càr geh jào mờ bal mờ hơ̆ là uă kal ke, ờ hềt dipal gam gơlik geh. Tàm pơrjum dơ̆ 14, Mpồl đơng lam Đảng ƀộ càr Kon Tum khoă XVI neh tơrgùm cribơyai, lơh loh tài bè lơi, kơnòl bơh tơl gah broă, tơl kơnhoàl, ƀòn dờng dê gơwèt mờ ală bơta ờ hềt dipal, bơta ờ niam, mờ ai geh ală jơnau kờñ bal mờ broă lơh tă bơsong tàm nam 2024.