Kwang àng gam tơrgùm lùp khàu ală cau lơh tìs gơtìp kŭp mờ pơn jat tai jòi kŭp ală cau gam wơl. Tŭ do, ală mpồl lơh broă geh gơnoar kung gam pơn jat tai jòi kŭp, kŭp ală cau gam wơl nàng lơh glài kràñ jat jơnau cih bơh adat boh lam dê.

Lài hơ̆, drim gờñ ngai 11/06, tàm ù tiah kơnhoàl Cư Kuiñ neh gơlik geh dơ̆ broă dùl mpồl cau ngui phàu sò tơm tàm Hìu lơh broă Ủy ƀan Ñân zân xã Ea Tiêu mờ Ea Ktur, lơh bàr pe nă Kwang àng xã, Kwang bàng xã, làng bol chơ̆t mờ sồt să.... Tơnơ̆ tŭ gơlik geh broă do, Ƀộ Kwang àng neh đơng lam Kwang àng càr Dăk Lăk, ală mpồl lơh broă mờng chài lam lơh wàng kŭp mpồl cau do, dong klàs bàr pe nă làng bol gơtìp kŭp ris. Ƀộ Kwang àng sồr làng bol kơnhoàl Cư Kuiñ mờ ală tiah rềp bal kơ̆ nùs, ờ gŏ di rngòt; lơh jat tĕ jơnau sồr bơh gơnoar atbồ tiah he dê mờ ală mpồl lơh broă geh gơnoar. Dilah cau lơi geh jơnau gĭt gơrềng tus mpồl cau do, pal yal mơ ai anih lơh broă Kwang àng tiah rềp ngan rlau jơh in. Gơwèt mờ ală anih lơh broă gah mblàng yal jơnau pal sền gròi jơnau yal lài mờ tŭ pơnđàng nàng gàr niam jơnau yal di mờ bơta geh ngan.