Nam 2023, bơta lơngăp lơngai, rơndăp tăp sèng, lơngăp lơngai mpồl bơtiàn tàm càr Gia Lai geh gàr niam kơ̆ kơl jăp. Jat hơ̆, Kwang àng càr Gia Lai neh lơh 4 dơ̆ lơh uă tam dră wơl mờ kơryan cau lơh tìs, lùp khàu, kŭp 863 dơ̆, mờ rlau 1 rơbô 400 nă cau kŭp jàm; kŭp 855 nă cau, ai wơl 6 tơmàn 300 tơlak đong tơm wơl ai cau gơtìp aniai in. Anih lơh broă Kảñ sát lùp khàu ală kấp lùp khàu, đơs pơndŭt, sồr yal yă 1 rơbô 100 dơ̆, mờ rlau 2 rơbô nă cau; sền gŏ yal yă 17 dơ̆, mờ 30 nă cau bè lơh tìs sa kuề sa kuà, gơnoar broă, ai wơl rlau 3 tơmàn 700 tơlak đong.

Tus bal pơrjum, ồng Trương Hải Long- Phó Ƀí thư Tỉñ uỷ càr, Củ tịc Ủy ƀan Ñân zân càr Gia Lai sồr, nam 2024 Kwang àng càr Gia Lai pơn jat tai cribơyai geh cồng nha ai Ủy ƀan Ñân zân càr in bè broă lơh gàr niam lơngăp lơngai rơndăp tăp sèng, lơngăp lơngai cíñ trị; jơh nùs lơh ngan tam dră wơl mờ ală cau lơh tìs, ngan là tàm tơngai sa tềp Dà lơgar Giáp Thìn nam 2024 do.