Yal mờ mpồl lơh broă in, kwang đơng lam bồ càr Cao Bằng pà gĭt: nam 2022, khà gơguh lơh sa bơh càr dê lơh geh 5,04%; khà hìu bơnhă rƀah gơmù 4,29%; Broă sền gàr dà lơgar mờ lơngăp lơngai cíñ trị, rơndăp tăp sèng lơngăp lơngai jơh gùt mpồl bơtiàn tàm ù tiah càr dê geh gàr kơ̆; Broă lơh bơ̆t bơtàu Đảng mờ ală anih lơh broă cíñ trị geh bơ̆t bơtàu pràn kơldang kơ̆ kơl jăp.

Nam 2023 do, càr Cao Bằng rơ̆p pơn jăt tai sơlơ tơnguh tai ală broă lơh tă bơsong ală kal ke tàm broă lơh sa, kă bro; lơh pràn lơh niam wơl sră nggal dà lơgar, lơh niam wơl tiah bơcri priă kă bro mờ tơrgùm ai bàr pe broă bơ̆t bơtàu, rơndăp broă lơh tờm, kwơmàng, tàm hơ̆ geh gơl gùng rơndeh ntoăt răt Đồng Đăng- Trà Lĩnh...Kwang ătbồ Ƀan Nội cíñ dà lơgar sồr càr Cao Bằng pal geh broă lơh tă bơsong ală bơta kal ke bơta gơkòl, ngan là ală bơta kal ke gơkòl bè gùng lòt rê; Sền gròi tơnguh uă bơta jak mpồl cau lơh broă; lơh mhar ai priă bơcri dà lơgar dê mờ pơn jăt tai gơhòi gơ jà bơcri priă, ngan là bơcri priă bơtàu tơnguh lơh sa mpồng nhàr lơgar, bơtàu tơnguh nhơl chờ; pơn jăt tai tơnguh uă cồng nha lơh broă bơh ală anih lơh broă nội cíñ dê; sền swì, jăt sền, sồr ngan lơh jăt niam ală jơnau sồr bè rơcăng sơndră sa kwề sa kwà; ală broă pơlam bơsong ală dơ̆ lơh tìs sa kwề sa kwà, ờ niam; lơh jăt niam broă lơh lơh niam wơl sền gàr adat boh lam.