Tơnơ̆ tŭ tus Hà Nội tơn, Kwang ătbồ lơgar Kộng hoà Bulgaria ồng Rumen Radev geh dơ̆ tam tìp mờ Mpồl Lơh bơyô bal Việt Nam mờ Bulgaria mờ gơ̆p bơyô lơgar Việt Nam neh geh tŭ bơsram mờ lơh broă tàm lơgar Bulgaria.

Tàm dơ̆ tìp, Củ tịc Mpồl Lơh bơyô bal Việt Nam mờ Bulgaria ồng Huỳnh Quyết Thắng neh yal wơl ală tŭ tơngai niam ngan tàm gĭt gơ̆p lơh bơyô bal, tam klăc bal mờ lơh broă bal đah Việt Nam mờ Bulgaria tàm sùm 74 nam do, tơlik nùs nhơm chờ hờp sền gŏ gĭt gơ̆p đah Việt Nam mờ Bulgaria gam gàr sùm bơta pràn bơtàu tơngguh pràn kơldang niam bơnĕ, tàm uă broă cribơyai broă mờ lơgar ndai, bơto bơtê, kă bro phan, bơcri priă. Kwang ătbồ lơgar kộng hoà Bulgaria ồng Rumen Radev jờng rơ ngan ală cồng nha mờ Việt Nam neh lơh geh tàm tơngai lài mơkung đơs sùm, gĭt gơ̆p 2 lơgar gam sùm geh lơh pràn tàm uă broă.