Tơngai do, bơta git gơ̆p đah lơgar Việt Nam mờ lơgar Indonesia pơn jăt tai bơtàu tơnguh pràn kơl dang. Dơ̆ tus còp mờr tus geh là dơ̆ bàr Kwang atbồ lơgar Indonesia Joko Widodo còp kấp Dà lơgar tus lơgar Việt Nam (tơnơ̆ dơ̆ tus còp tàm nhai 09 nam 2018) mờ là dơ̆ nàng bàr gah pơn jăt tai cri bơyai bè ală broă lơh pràn broă lơh bal, lơh nền nòn rơlao tai bơta git gơ̆p Tam klăc bal jŏ jòng, bơh tŭ hơ̆ lơh gơguh rơlao tai bơta git gơ̆p lơh bơyô bal bal ờs mờng neh geh bơ̆t bơtàu mờr 70 nam do.

Tŭ do bàr lơgar kung gam geh uă bơta pràn nàng pơn jăt tai lơh geh, bơta git gơ̆p lơh broă bal nền nòn đah lơgar Việt Nam mờ lơgar Indonesia geh ai tơl bơta niam nàng bàr lơgar tơnguh bơta git gơ̆p đah bàr lơgar dê, di pal mờ bơta geh, bơta pràn bơh tơl lơgar kung bè bơtàu tơnguh niam bơnĕ ngan bơh bơta git gơ̆p bal đah bàr lơgar dê tàm tơngai do.