Tàm dơ̆ lơh broă, kwang bàng đơng lam bồ Ƀộ Y tế đơs nền, ală cồng nha lơh geh tàm broă lơh pơgồp bal mờ Mpồl Tuyên giáo Dà lơgar tơngai bơh nam 2021- 2025. Jăt mờ hơ̆, bàr gah neh pơgồp bal yal tơngĭt di tŭ ală jơnau yal tơngĭt, sră pơ àr kơlôi sơnơng jrô bè broă do, kwơmàng tàm broă lơh rơcăng sơndră kòp Kovid-19. Mblàng yal, hòi jà bơto pơlam làng bol sền gàr, tơnguh uă bơta pràn kơldang să jan...Ala măt Kwang đơng lam bồ Đảng, Dà lơgar, Kwang ătbồ Mpồl Tuyên giáo Dà lơgar ồng Nguyễn Trọng Nghĩa cih dờp ală nùs nhơm lơh ngan, tă pơgồp dà kơlhề dờng ngan bơh gah Lơh sơnơm dê mờ jơh ală cau lơh sơnơm dê tàm tơngai lài. Mơkung pơyua tus jơh ală oh mi in jơnau nting bơr gờm chờ niam bơnĕ di dơ̆ tơngkah kir sơnrai 68 nam Ngai Cau lơh sơnơm Việt Nam. Ồng Nguyễn Trọng Nghĩa đơs loh, gah lơh sơnơm tàm tơngai tus rơ̆p pơn jăt tai kong mờ ờ dùl êt kal ke, bơta lòng; ồng sồr, ală kâp ủy Đảng, gơnoar ătbồ pơn jăt tai lời bơta sền gròi dong kờl dipal gơwèt mờ gah lơh sơnơm mờ broă lơh sền gàr pràn kơldang să jan làng bol in. Lời ai ală priă jền dipal nàng bơ̆t bơtàu ală hìu sơnơm, anih sền gàr pràn kơldang să jan dùl bă niam bơnĕ mờ jŏ jòng.