Mho ngai 24/11, tàm Hà Nội, Ủy viên Ƀộ Cíñ trị, Kwang atbồ Họk viện Cíñ trị Dà lơgar Hồ Chí Minh, Củ tịc Hội đồng Lý luận Dà lơgar Nguyễn Xuân Thắng lơh broă mờ Viện Hàn lâm Khoa họk Xã hội Việt Nam bè “Bơta kơlôi sơnơng jak chài lý luận cíñ trị mờ đơs gùng dà broă lơh pơgồp bal đah Hội đồng Lý luận Dà lơgar mờ Viện Hàn lâm Khoa họk Xã hội Việt Nam”.

Đơs tàm dơ̆ lơh broă Kwang atbồ Họk viện Cíñ trị Dà lơgar Hồ Chí Minh, Củ tịc Hội đồng Lý luận Dà lơgar Nguyễn Xuân Thắng pà gĭt, bol he neh lòt gan rlau nggùl tơngai lơh broă, tŭ do gam là broă lơh jơh nùs, rcang lài ai broă lơh sră nggal Pơrjum dờng dơ̆ XIV. Den tàng, broă đơs gùng dà broă lơh, broă bơyai lơh, lam lơh broă lơh, tơngume, kơnòl broă kơlôi sơnơng bơh Viện Hàn lâm dê bơh tơngume kơnă hơđơm tus tơngume kấp ƀộ, kấp dà lơgar pal lam lơh bè lơi, ngan là pal đơs geh cồng nha bơh broă lơh kơlôi sơnơng do dê bơh hơ̆ nàng ai tơlik gĭt nđờ jơnau yal geh đơs, geh dan.