Kwang đơng lam càr Dăk Lăk pơyoa jơnau chờ gờm pràn kơl dang să jan mờ chờ gờm tus ală cau kơ đơng yàng bal mờ làng bol jăt yàng tàm càr wă rò dùl kàl Noel lơngăp lơngai, gơboh gơbài. Mờ kơ̆p kờñ ală cau kơ đơng yàng pơn jăt tai lam làng bol jăt yàng lơh jăt niam gùng dà broă lơh bơh Đảng, adăt boh lam bơh Dà lơgar, sùm tam klăc bal mờ geh uă broă lơh ai bơta bơtàu tơnguh lơh sa mpồl bơtiàn càr in.

Ala măt ală hìu yàng neh pơyoa jơnau ưn ngài kwang đơng lam càr mờ ală gah, mpồl lơh broă neh sền gròi, ai tơl bơta ƀuơn nàng làng bol jăt yàng lơh jăt gơnoar khăt gơboh pin dờn jăt yàng. Tàm tơngai tus, mpồl bơtiàn cau jăt yàng bàp geh pơn jăt tai lơh niam gùng dà broă lơh jăt adăt boh lam bơh Dà lơgar dê, ngui niam bơhiàn niam bơnĕ rài kis sàng goh gùng yàng, tus bal bơ̆t bơtàu mpồl tam klăc bal gùt jơi bơtiàn, bal mờ càr tàm broă bơ̆t bơtàu mờ bơtàu tơnguh càr ngai sơlơ pas gơs.