Tus bal tìp măt tơm bơh bơr geh kwang đơng lam bồ UɃÑZ càr, kwang đơng lam bồ ală sở, gah lơh broă tàm càr mờ 250 nă đoàn viên ơruh pơnu ala măt rơlao 90 rơbô nă ơruh pơnu tàm càr neh tus bal. Pơrjum geh bơyai lơh tàm nùs nhơm sơrmah sơrmài, song dơ pă, kwang đơng lam ală anih lơh broă gơrềng bal neh mblàng, hơ jơnau lùp bơh ơruh pơnu dê.

Ală đoàn viên ơruh pơnu tàm càr neh geh ală jơnau lùp gơrềng tus mờ ală broă bè: gơnoar bơh ơruh pơnu dê bè tam gơl sồ; broă dong kờl, bơto, bơsram tàp, broă lơh ai ơruh pơnu bè tam gơl sồ, lơh sa sồ. Ồng Nguyễn Tuấn Hà, Phó Củ tịc duh broă sùm UɃÑZ càr Dăk Lăk đơs: ală jơnau đơs bơh ơruh pơnu geh đơs tàm pơrjum di pal ngan mờ geh mùl màl, tơlik broă sền gròi bơh ơruh pơnu dê gơwèt mờ ală broă kwơ màng gơrềng tus mờ broă bơtàu tơnguh lơh sa sồ, tam gơl sồ tàm càr dê.