Tơnơ̆ mờ tŭ gơtìp tơrlah chàr ù lơh 2 nă cau gơtìp chơ̆t, ală mpồl lơh broă, ală gah, mpồl, bal mờ làng bol neh tus còp să, pơn dờm mờ lài ngan neh dong kờl hìu nhă cau gơtìp in.

Tàm hơ̆, Ủy ƀan Mặt trận Dà lơgar Việt Nam càr Lâm Đồng dong kờl 30 tơlăk đong, Mpồl đơng lam Rơcang sơndră mờ rềs àr mờ jòi dong klàs cau gơtìp rềs àr càr Lâm Đồng dong kờl 20 tơlăk đong, Mpồl Cữ thập đỏ Lâm Đồng dong kờl 3 tơlăk đong, ală mpồl lơh broă gơwèt ƀòn dờng Dà Làc dong kờl 73 tơlăk đong, cau tờm hìu mờ mpồl lơh hìu dong kờl 85 tơlăk đong. Kờp jơh khà priă geh tam pà, dong kờl cau tàm hìu nhă cau gơtìp rềs àr tus tŭ do geh rơlao 200 tơlăk đong. Bal mờ hơ̆, bơh broă hòi jà ală cau tàm mpồl bơtiàn, ƀòn dờng Dà Làc kung neh jào khà priă mờr 20 tơlăk đong dong kờl 3 nă cau gơtìp sồt să tàm dơ̆ tơrlah ù do in sơl.