Bơdìh mờ ală bơta niam ngan, lơh sa- mpồl bơtiàn nam 2023 càr Lâm Đồng kong mờ ală bơta kal ke 4 tàm 18 jơnau kờñ ờ lơh sìr jat broă rơndăp lơh. Bulah lơh sa gàr niam gơguh lơh sa 5,63% mơya ờ hềt bè ờs mờ kơ̆ kơl jăp. Lơh sa mờ măi mok- bơt bơtàu gơguh lơyah; broă lơh lơh sa, kă bro bơh làng bol, mpồl lơh sa kă bro ờ ƀuơn tài gơrềng bơh roh giă priă, priă tă blơi phan lơh gơlik gơguh uă.

Broă lơh lùp dồs Dà lơgar kung gơtìp uă ngan kal ke, tàm hơ̆ geh bơnah lùp dồs bơh priă dia, priă tă mìng lơh geh 87,8%, lùp dồs bơh hìu, ù mìng mờ 85,8% kờp dŭ lài càr dê. Bơdìh hơ̆, ai priă bơcri dà lơgar gam lơyài, tơm priă ai ù gơtìp uă ngan kal ke. Broă lơh gơ hòi gơ jà bơcri priă, ngan là rơndăp broă lơh priă bơcri bơh lơgar ndai lơyài. Broă lơh niam wơl sră nggal, lơh niam wơl tiah bơcri priă lơh sa kă bro ờ hềt lơh geh jat mờ jơnau sồr.