Gùng par Seoul – Dà Làc geh ngui bơh Gah rơndeh par Jeju Air lơgar Hàn Quôk dê. Tơnơ̆ dơ̆ par sơn rờp, gah rơndeh par do rơp pơn jat tai gàr sùm 7 dơ̆ par lòt rê wơl tàm dùl poh. Do là gùng par song dơ̆ 3 tơrbŏ Hàn Quôk tus Dà Làc, 2 gùng par sơng tơn neh pờ lài hơ̆ là Dà Làc – Busan mờ Dà Làc – Jeju. Jat ồng Nguyễn Ngọc Phúc, Phó Củ tịc Ủy ƀan Ñân zân càr Lâm Đồng pà git, bơh bồ nam tus tŭ do, Dà Làc, càr Lâm Đồng neh rò rlau 363 rbô dơ̆ nac dunia, tàm hơ̆ nac lòt nhơl tus bơh Hàn Quôk geh 60%. Broă pờ tai gùng par Dà Làc – Seoul rơp pơgồp bơnah bơtàu tơnguh gah lòt nhơl mờ lơh sa bơh 2 tiah dê.