Tàm dơ̆ lơh broă, ala mat ală anih lơh broă neh tă pơgồp jơnau đơs mùl màl bè broă bơyai lơh ală broă lơh niam chài, đơs crih tamya di tơngkah 80 nam Ngai tĕ khà sơn rờp pồ Quôk hội Việt Nam  mờ ală tơngume tờm, bè: broă bơyai lơh dơ̆ pơrlòng bơceh halà dơ̆ hòi jà bơceh jơnau đơs crih bè Quôk hội Việt Nam mờ Hội đồng Ñân zân; Broă lơh đơs crih tam ya jờng rơ Quôk hội Việt Nam; broă bơyai lơh Pơrlòng sap đơs crih anih sơñio rùp Quôk hội Việt Nam.

Đơs pơn dut dơ̆ lơh broă, Củ tịc Quôk hội Vương Đình Huệ sồr Mpồl đơng lam, Mpồl bơyai lơh lam lơh Rơndap broă bơyai lơh tơngkah 80 nam Ngai tĕ khà sơn rờp pồ Quôk hội Việt Nam jat di nùs nhơm đơng lam bơh Ƀan Ƀí thư dê; mhar lơh ală Tiểu ƀan nàng lam lơh jat ală kơnòl broă, tàm hơ̆ geh Tiểu ƀan bè niam chài, đơs crih tamya bơh Phó Củ tịc Quôk hội Trần Quang Phương lơh Kwang atbồ Tiểu ƀan nàng đơng lam lam lơh ală broă lơh mùl màl.