Mpồl cèng bal rlau 12 tấn phan bơna măy mok ờs ngui mờ phan bơna kờñ pal geh nàng gàr geh broă drơng broă ai mpồl in tơl ală bơta nàng lơh jat kơnòl broă, rcang is phan bơna tàm tơngai 1 nhai.

Ala mat Quân ủy Dà lơgar, Kwang đơng lam bồ Ƀộ Quôk phòng, Thượng tướng ồng Nguyễn Tân Cương, Kwang atbồ dờng mpồl pơlam broă Mpồl ling klàng làng bol Việt Nam, Thứ trưởng Ƀộ Quốc phòng neh jờng rơ nùs nhơm rcang lài bơsong bơta kal ke, jơh nùs lơh ngan lơh jat kơnòl broă bơh jơh ală anih lơh broă, mpồl lơh broă geh gơrềng, ngan là 76 nă kwang bàng, sĩ quan, ling geh griăt ờs mờng tàm mpồl lơh broă dong kờl bơh mpồl ling klàng dê. Jat Thiếu tướng ồng Phạm Văn Tỵ tus mho mang ngai 13/2, mpồl tus tiah gơtìp rềs àr tàm lơgar Thổ Nhĩ Kỳ dê mờ mhar lam lơh jat kơnòl broă.