Do là dơ̆ tus còp mùl màl sơnrờp ngan bơh Củ tịc Quốk hội lơgar Bulgaria dê tus lơgar Việt Nam tơnơ̆ mờr 12 nam; là bơta ai tơngŏ kwơ màng tàm bơta git gơ̆p lơh broă bal đah lơgar Việt Nam mờ lơgar Bulgaria, tàm hơ̆ uă ngan là tŭ Quốk hội bàr lơgar pa kĭ hơ bal mờ lơh Sră nggal cih kah lơh broă bal.

Bơta git gơ̆p lơh bơyô, lơh broă bal đah Quốk hội bàr lơgar sùm geh tơnguh mờ bơtau tơnguh niam. Bàr gah sùm cri pơgơl mpồl kấp dờng, geh sùm dơ̆ tìp bal, pơgồp bal mờ kờñ bal tàm ală pơrjum uă nghị viện tàm tiah do mờ dunia mờ Quốk hội bàr lơgar geh tus bal bè Mpồl tam klăc Nghị viện dunia (IPU), Pơrjum Tam klăc bal Nghị viên câu Á mờ cau Âu (ASEP)… Dơ̆ tus còp bơh Củ tịc Quốk hội lơgar Bulgaria tus lơgar Việt Nam geh tàm ală ngai sơnrờp bơh nam 2024 dê, ai tơngŏ bơta sền kwơ, gơboh mờ nùs nhơm niam bơnĕ bơh dà lơgar bal mờ làng bol lơgar Bulgaria dê sùm ai lơgar Việt Nam in mờ gơnoar broă là dùl lơgar gơ̆p bơyô ờs mờng, pin dờn, đềt mềr mờ là dùl tàm ală lơgar tam klăc bal kwơ màng ngan bơh lơgar Bulgaria dê tàm tiah đah jum măt tơngai lik câu Á dê.