Lơh jăt Broă lơh bơh Ƀộ Cíñ trị, Ƀan Ƀí thư
Thứ năm, 13:34, 02/02/2023
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Ngai òr (01/02), tàm Hìu lơh broă Đảng Dà lơgar, Thường trựk Ƀan Ƀí thư ồng Võ Văn Thưởng neh đơng lam Pơrjum bè broă lơh jăt Broă lơh bơh Ƀộ Cíñ trị, Ƀan Ƀí thư nam 2021, nam 2022 mờ lơh jăt kơnòl nam 2023.
Thường trựk Ƀan Ƀí thư ồng Võ Văn Thưởng sồr ală anih lơh broă gơrềng bal pal pơgồp bal niam rơlao tai tàm broă bơ̆t bơtàu broă lơh, broă rơndăp lơh bơyai lơh ală rơndăp broă bơh Ƀộ Cíñ trị, Ƀan Ƀí thư; ală anih lơh broă geh jào kơnòl pal tơrgùm, rơcang lài bơ̆t bơtàu ală rơndăp broă lơh, jơnau yal geh ai; ờ uă rơndăp broă kal ke, gơkòl gam gơlời bơh ală nam lài pal tơrgùm bơsong jơh jăt broă lơh neh geh ai.
Ai lài ală broă tàm Broă lơh bơh Ƀan Cấp hàñ Đảng dà lơgar khoă XIII, ală Pơrjum Dà lơgar tàm nam 2023 mờ ală broă lơh kwơ màng, jal mhar pal geh lơh tàm nam do.
Viết bình luận