Jat jơnau yal, lơh sa dờng geh gàr kơ̆ kơljap; roh giă priă geh gròi sền; ală jơnau tàm pơnring dờng bơh rài lơh sa dê geh gàr niam. Ală gah bè niam chài, mpồl bơtiàn, tiah ơm kis, sền gàr dà lơgar, sền gàr lơngăp lơngai, lơh broă mờ lơgar ndai geh gròi sền mờ sơlơ tơnguh pràn. Bơta gàr lơngăp lơngai rài kis mpồl bơtiàn, cau lơh broă, broă lơh geh gàr niam. Kuơmàng, mờ bơta lơh niam wơl sră nggal lơh broă dà lơgar, do là dùl kơnòl tờm geh Cíñ phủ, Thủ tướng Cíñ phủ tơrgùm đơng lam mờ ală Ƀộ, gah broă lơh dà lơgar, ală càr, ƀòn dờng lam lơh geh cồng nha pal cih dờp ngan.

Tơngai tus, Cíñ phủ pơn jat tai đơng lam tơrgùm kờp sền, koh tơrmù, lơh ƀuơn sră nggal lơh broă dà lơgar, ngan là ală jơnau sồr gam là bơta kòl yan gơ wèt mờ lơh sa kă bro; sồr lam lơh jat nền nòn broă sền sơ wì bơta gơ rềng, sền sơ wì jơnau sồr bè sră nggal lơh broă dà lơgar.