Mờ jơnau “Cau kơnòm să lơh broă tài ală gùng lơngăp lơngai”, ală mpồl tus bal dơ̆ pơrlòng neh rơwah tàm 3 broă lơh bè: đơs Rap; bơceh tamya, ha là pơgồp bal jơh bàr bơta tàm jơnau đơs crih, jơnau bơh video đơs crih “Gùng git đơs”.

Ală jơnau đơs geh hòi jà mờ dờp geh broă kờñ bal bơh gal ală kơnòm bơsram. Do geh sền là ƀlàng nhơl geh kwơ, ai geh bơta niam nàng ală kơnòm bơsram in geh tìp bal, bơsram bal, tam pà bal broă mờng chài, jơnau git wă, bơta ngăc ngar tus bal lòt tàm gùng lơngăp lơngai, tàm hơ̆ uă ngan là kơnòm bơsram tŭ lòt tàm gùng.