Pơn jat tai ală broă lơh tàm dơ̆ Tìp mat lơh bơyô bal đah Ủy ƀan Mặt trận dà lơgar Việt Nam mờ Mặt trận dà lơgar Lo mờ Mặt trận dà lơgar ală càr, tiah atbồ is tiah nhàr dà lơgar bơh 2 lơgar dê, mho ngai 28/11, Pơrjum cribơyai mờng chài lơh broă đah 2 gah geh lơh tàm ƀòn dờng Hạ Long, càr Quảng Ninh. Đơs sùm, Mặt trận dà lơgar Việt Nam mờ Mặt trận dà lơgar Lo là bàr mpồl lơh broă geh gơnoar broă kuơmàng ngan tàm rài kis cíñ trị bơh tơl lơgar dê, bàr gah neh bal mờ gơp tam pà, cribơyai uă mờng chài mờ broă lơh tàm tam gơl pa, tơnguh bơta niam, sơlơ tơnguh tai gơnoar broă bơh broă lơh jat sền, cribơyai mpồl bơtiàn mờ tus bal bơt bơtàu Đảng, bơt bơtàu gơnoar atbồ dê; tàm broă tơrgùm, iat jơnau đơs, jơnau dan bơh làng bol dê nàng yal mờ Đảng, Dà lơgar in. Mặt trận dà lơgar Việt Nam mờ Mặt trận dà lơgar Lo ală càr, kơnhoàl, xã geh bal gùng nhàr dà lơgar pơgồp bal tàm broă lơh mblàng yal, hòi jà làng bol tiah nhàr dà lơgar đah Việt Nam mờ Lo ơm kis ring lơngai, lơh bơyô, lơh broă bal mờ gơp bơtàu tơnguh…